Dijetarët islamë janë unanimë se obligimi i agjërimit bie mbi muslimanin e mençur dhe fizikisht të shëndoshë, moshërritur dhe jo udhëtar.
Kushtet për obligim
Personi duhet t'i plotësojë këto kushte:
• Të jetë musliman
• Të jetë i mençur (i shëndoshë mendërisht)
• Të jetë moshërritur
• Të jetë fizikisht i shëndoshë
• Të mos jetë udhëtar
Kushte shtesë për femrat
Për femrat gjithashtu është kusht të jenë të pastra nga hajdi (menstruacionet) dhe nifasi (gjendja e lehonisë).
Kush nuk e ka obligim
Nuk e kanë obligim agjërimin jobesimtarët, fëmijët, të çmendurit, të sëmurit, udhëtarët, plaku i thyer në moshë dhe i matufosur.
